Sponsor 2
Xeyir xeyri tapar, şər də şəri.
Özgəyə kömək et ki, sənə də kömək etsinlər.
Ən xоşbəxt dəqiqələr, yaxşılıq etdiyin dəqiqələrdir.
Fürsət əldə ikən yaxşılıq eylə.
- Azərbaycan atalar sözü
Yaxşılıq edən yaxşılıq görər.
Yaxşılıq elə ki, başına gəlsin.
Yaxşılıq nur gətirər, yamanlıq - zülmət.
- Özbək atalar sözü
Yaxşılıq edəni Allah unutmaz.
Yaxşılıq eylə at dəryaya, balıq bilməsə, xaliq bilər.
İnsan doğulur ki, yaxşılıq eləsin.
2- İnsan yaxşılıq etmək üçün doğulur.
- Əfqan atalar sözü
Yaxşılıq elə, minnət qoyma.
Yaxşılığa yaxşılıq elə, pisliyə pislik eləmə.
Xeyir işə yaxın ol, şər işdən saqın.
Xeyir ver, xeyir görəsən.
Əl tutanın əlini tutarlar.
Yaxşılıq yerdə qalmaz.
Yaxşı işə Allah zamindir.
Xeyirxah adam yaddan çıxmaz.
Dünyada ən yaxşı şey yaxşılıqdır.
Savab gör, hər zaman yaxşılıq eylə.
Yaxşılıq açan qapıya, sevgi qonar.
Yaxşılıq qapı açar, məhəbbət bu qapıdan içəri girər.
Yaxşılığı sonraya qoyma.
- Yapon atalar sözü
Yaxşılıq yaxşılıq gətirər, yamanlıq nəyə gərəkdir?
Yaxşılıq edən özünə eləyir, yamanlıq edən də.
- Abxaz atalar sözü
Gözəllik gedir, yaxşılıq qalır.
- Alman atalar sözü
Yaxşılıq yolunu göstərən adam yaxşılıq edən adama bərabərdir.
Bir dəfə yaxşılıq eləmək min dəfə deməkdən yaxşıdır.
- Kürd atalar sözü
Yaxşılıx da, yamannıx da yaddan çıxmaz.
Qızıl yerdə qalmaz, yaxşılıq yolda.
- Özbək
Pis işin qarşısını alıb günahı bağışlamaq, yaxşı iş görüb savab eləməyə bərabərdir.
Bir qarış yaxşılığı, bir çimdik yamanlıq pozar.
Yaxşılığa yaxşılıq hər kişinin işidir
Yamanlığa yaxşılıq nər kişinin işidir.
İgiddən yaxşı iş qalar, arifdən - yaxşı söz.
- Özbək
Yaxşı söylə, yaxşı eşit.
Sən elədiyin yaxşılığı gizlə; sənə olunan yaxşılığı de.
- Ərəb atalar sözü
Yaxşı adamla savaşma, pis adama yanaşma.
- Monqol
Yazıq o adamdır ki, yaxşılıq etmir.
Vay o halına o kəsin ki, heç kimə yaxşılıq eləmir.
Yaxşılığa yaxşılıq hər kişinin işidir, yamanlığıa yaxşılıq ər kişinin işidir.
Dünyada bir pislik qalar, bir də yaxşılıq.