 |
| 12 dekabr Heydər Əliyevin anım günü aid şeir, |
12 Dekabr Ulu Öndər Heydər Əliyevin Anım Gününə həsr olunmuş 7 şeir
Müəllif: Rüstəm Sadiqli
Bir işıq doğdu yurda
O vətənə gələndə
Səs verdi millətinə,
Söz verdi millətinə.
Yaratdı Azərbaycan.
Hüzür dolu bir məkan.
Öpdü ulu bayrağı,
Öpdü Quran kitabın.
Azərbaycan adını
Azərbaycan adına
Yaydı dünyalara
Millətlər sırasında,
Qəvmlər arasında,
Bu adı əks etdirdi
Qayalara daşlara,
Yüklədi yaddaşlara.
Elin qan yaddaşını
Unutmadı heç zaman,
Millətlərə göstərdi
Azərbaycan hünərin,
Koroğlu cəsarətin,
Bir Nizami hikmətin
Düşmənlərə sözü ilə
Böyük zərbələr vurdu
Elm verdi gəncliyə,
Yetirdi kamilliyə.
İndi də yaşayır o,
Minlərcə ürəklərdə
O , ürəklər Səninlə
Döyünür ulu öndər!
Neçə ürək səninlə
Öyünür Ulu öndər!
2) HEYDƏR ATA, HEYDƏR BABA! ŞEİRİ
Müəllif: N.Laçınov.
Xalqımızın fəxri, şanı,
Xatırlayım hansı anı?..
Dolanmısan bu dünyanı,
Heydər ata, Heydər baba!..
Vətənimi azad edən,
El qədrini daim bilən.
Torpağını qəlbən sevən
Heydər ata, Heydər baba!
Həm ümmansan, həm də Günəş,
Sübh çağının dan ulduzu.
Qəlbimizdə ən müqəddəs
Heydər ata, Heydər baba!
İlham təki oğlun vardır,
Ömür yolun bir bahardır,
Xalqın hər an bəxtiyardır,
Heydər ata, Heydər baba
Keçsə aylar, keçsə illər
Ürəklərdə qalacaqsan.
Arzuların çiçək açıb,
Yaşayacaq Azərbaycan!
Heydər ata, Heydər baba!
3) ULU ÖNDƏR ŞEİRİ
Müəllif: Rafiq Yusifoğlu
Vətənin dar günündə
Onun dadına çatdın
Üçrəngli bayrağımı
Zirvələrə ucaltdın
Yurdumuzun üstündən
Qovdun qara kölgəni
Məhv olmaqdan qorudun
Xilas etdin ölkəni
Çiçəklənən ölkəmiz
Gülüstana oxşayır
Özün olmasan belə
Əməllərin yaşayır.
4) ULU ÖNDƏR ÖNDƏR ŞEİRİ
Müəllif: Rafiq Yusifoğlu.
Heykəlinə baxıram
Rəhbər xəyala dalıb.
Çiçəklənən ölkəmiz
Ondan yadigar qalıb.
Səsini dinləyəndə
Güc gəlib qolumuza.
Zəkası günəş kimi
Nur səpib yolumuza.
Doğma Azərbaycanı
Gülüstana döndərib.
Hamımızın qəlbində
Heykəli var öndərin.
5) AXTARIR SƏNİ ŞEİRİ
Müəllif: Həsən Şirinov
Xalqımızın ümummilli lideri Heydər Əliyevin əziz xatirəsinə ithaf edirəm
Nə müddətdir könlüm yaman darıxır,
Gözlərim hər yanda axtarır səni.
– Xəyalım dolanır göylərə qalxır,
Göylərin qatında axtarır səni!
Ey ulu öndər!
Bu bir ayrılıqdır, sonu görünməz,
Sirli dünyamızdır, yolu bilinməz,
Ora gedən bir də geriyə dönməz,
Tanrı dərgahında axtarır səni!
Ey ulu öndər!
Xalqını çıxartdın ağ günə, demək,
Bəhərin dadmağa qoymadı fələk,
Dövlətə, xalqına İlhamdır gərək!
Onun timsalında axtarır səni!
Ey ulu öndər!
12 Dekabr Heydər Əliyevin anım gününə aid şeirlər,
6) ULDUZLAR ŞEİRİ
Müəllif: Leyla Əliyeva
Ulduzlara uçan quşa dönəydim,
Ay da yollarıma nur ələyəydi.
Məğrur yerişinlə qoşa dönəydin,
Sənə yer üzündə yer eləyəydim.
Dinlə kədərimin pıçıltısını –
Mən yaxşı bilirəm ayrılıq nədi!..
Küləklər könlümün qışqırtısını
Kaş ki kainata yaya biləydi.
Könüllər yaşadır gur nəfəsini,
Sənsiz hər bir anın öz qüssəsi var.
Müqəddəs səsinin xatirəsini
Anlada bilərmi çağlayan çaylar?
7)HEYDƏR BABA ŞEİRİ
Müəllif: Elşad Barat (YAP-nın, AMEA GAŞ-nın üzvü)
Bilirəm ki, dünənimiz bu günün keçmişi deyil,
Hər dövürdə bir şəxsiyyət tarixin vərdişi deyil,
Bir ölkəni xilas etmək bir insanın işi deyil,
Allah səni öz nurundan yaratmışdı Heydər baba.
Gəlişilnə yoxa çıxdı mərmi yağış, balta külək,
Gedişində ağlayırdı yerdə insan, göydə mələk,
Hələ yanan ocaqların istiliyi varsa, demək,
Allah səni öz nurundan yaratmışdı Heydər baba.
Heydər dedim coşdu qələm, cənnət-məkan oldu sinəm,
Heydər dedim susdu bulud, güldü günəş, doldu sinəm,
Heydər adlı zirvələrə-haqqa gedən yoldu sinəm,
Allah səni öz nurundan yaratmışdı Heydər baba.
Bu torpağı, bu milləti canından da çox sevirdin,
Ayağını basan yerdə-daş üstündə gül bitirdin,
Özün getdin, öz xalqına özün kimi oğul verdin,
Allah səni öz nurundan yaratmışdı Heydər baba.
Yer topunun sir boxçası rəngsiz, donsuz göylərdədir,
Xeyir-duan üstümüzdə, ruhun sonsuz göylərdədir,
Göydən gəldin, göyə döndün, yerin onsuz göylərdədir,
Allah səni öz nurundan yaratmışdı Heydər baba.
12 Dekabr Ulu Öndər Heydər Əliyevin Anım Günüdür. O, Vətənimiz Azərbaycanın çiçəklənməsi, böyüməsi və inkişafı yolunda bir ömür fəda etdi, onun daha azad və güclü olması üçün son nəfəsinə qədər çalışdı.
Cismən bizi tərk etsə də, fikirləri , söz və əməlləri hələ də yaşayır və yaşayacaqdır. Vətən fədakar oğullarını unutmayacaqdır!
Axtarış sözləri : Heydər Əliyev anım günü şeir,Heydər Əliyev şeir,Heyder əliyev haqqında şeir,Heydər Əliyevə aid şeir,Heyder Eliyev şeir,ulu öndər haqqında şeir,12 dekabr Heydər Əliyevin anım günü, Heydər Əliyevin anım gününə aid şeirlər,Heydər Əliyevin anım gününə aid şeir,Heydər Əliyevin anım günü haqqında şeir, 12 dekabr Heydər Əliyevin anım gününə aid şeirlər