Sevgi sönməz atəşdi.
Sevən sevəni tapar.
Ağac kölgəsiz оlmaz, insan sevgisiz.
Dəniz dalğasız, könül sevdasız olmaz.
Dənizdə balıq sevdasız olmaz.
Sevgi od deyil, amma oddan yamandı.
Sevgi adamı yandırar.
Sevən ürək, daim gəncdir.
Yaxşılıq açan qapıya, sevgi qonar.
Göz gördüyünü sevər.
Göz görməsə, könül sevməz.
Göz sevəni könül də sevər.
Könül sevən göyçək olar.
Gec-gec görünən tez sevilər.
Gözəl gözəl deyil, könül sevən gözəldi.
Oğlum kimi sevsə, gəlinim oldur.
Sevəni sevənə ver.
Oğlunu sevən gəlnin sevər, qızını sevən kürəkənini.
Bir adam, ən çox sevgilisini, ən yaxşı şəkildə ailəsini, ən uzun da anasını sevər.
Öz anasını sevən, özgə anasını söyməz.
Uşaqları sevməyən heç kəsi sevməz.
Sevgini və kasıblığı gizlətmək çətindir.
Sevərəm məni sevəni, keçəl ola, daz ola, sevmərəm məni sevməyəni, şah ola, şahbaz ola.
Qonaq sevənin süfrəsi boş qalmaz.
Sevənin quluyam, sevməyənin sultanı.
Təkəbbürlük eyləyəni Tanrı sevməz.
Bir yürəkdə iki sevgi olmaz.
İki sevgi bir könüldə olmaz.
Pisi öymə, düzü döymə.
Pisi Sevmə, düzü söymə.
Sevgi olmasaydı, kini tanıyan olmazdı.
Yeməyin dadı duzdur, Sevginin dadı düzdür !
Bir-birini Sevən ər-arvad komada da xoşbəxt olar.
Kişi sevdiyinin nazını çəkər.
Göz gördü, könül sevdi, daha mənim nə günahım.
Ürək sevənin ağıda olar, qarasıda.
Könül sevən gözəlin nə ağı, nə qarası.
Çəkməyən nə bilir sevda dərdini?!
Dərd çəkənindir, Sevgi Sevənin.
İsti sevən tüstüsünə dözər.
Cananı sevən canından keçər.
El sevəni aləm sevər.
Əməyi sevənin qapısını xоşbəxtlik döyər.
Zəhməti Sevən işdən doymaz.
Bülbül gülü sevər, insan vətənini.
Vətəni sevməyənin imanı olmaz.
Əkin əksən, yerə bax, eli sevsən, elə bax.
Torpaq kimi bərəkətli ol ki, hamının sevimlisi olasan.
Həyatı ölənə qədər Sev.