Bir-birindən gözəl 6 yeni il şeiri (uşaqlar üçün)
1) YENİ İLİNİZ MÜBARƏK! ŞEİRİ
Müəllif: Gülzar İbrahimova
Yeni ildə uşaqlar
Böyük yolka qurdular,
Yolkanın ətrafında
Çaldılar, oynadılar,
***
Şaxta baba hamıya
Çoxlu hədiyyə verdi,
Uşaqları bax belə,
O sevdi, əzizlədi:
***
«Mənim əziz balalarım,
Qardan təmiz balalarım,
Gəlin, birlikdə deyək,
Yeni iliniz mübarək!
2) ŞƏN YOLKA ŞEİRİ
Müəllif: Tofiq Mütəllibov
Geyinmisən al-əlvan
Budaqların çırağban.
Dövrə vurub qız-oğlan
Nəğmə deyir şən-yolka
Sən nə gözəlsən yolka.
Dildə gəzir sorağın
Bəzənib hər budağın
Şaxta baba qonağın
Olmuş sənin şən yolka
Sən nə gözəlsən yolka.
Çölü meşəni bəzə
Düzləri gəzə-gəzə
Hər il qonaq gəl bizə
Ürək açan şən yolka
Sən nə gözəlsən yolka.
3) ŞAXTA BABA ŞEİRİ
Müəllif: Xanımana Əlibəyli.
Gəl bu xoşbəxt elimizi,
Təbrik elə, bir-birimizi,
Təzə gələn ilimizi
Şaxta baba, şaxta baba
Saçların ağ, saqqalın ağ,
Hansı evə getsən qonaq,
Hörmət edər hər bir uşaq
Şaxta baba, şaxta baba.
Yeni il şeirləri uşaqlar üçün
4) ŞAXTA BABA ŞEİRİ
Müəllif: Rafiq Yusifoğlu
Yolkamızın üstündə
Yenə yandı işıqlar.
Hardasan, Şaxta baba,
Yol gözləyir uşaqlar.
Zirvələrdən enib gəl,
Dərələrdən keçib gəl.
Yamaclara, çöllərə
Dümağ libas biçib gəl.
Gözündə ulduz gətir,
Nəfəsində buz gətir.
Saçlarında dümağ qar,
Dilində xoş söz gətir
5) TƏZƏ İL ŞEİRİ
Müəllif: Naməlum
Təzə il, ay təzə il,
Gəlməyəsən gözə il,
Uğurlu qədəminlə,
Ömrümüzü bəzə il.
Kaman gətrir, saz gətirir,
Şirin dil, avaz gətirir,
Dön zəfərlər ilinə,
Ürəklərə yaz gətir.
6) YENI IL ŞEİRİ
Müəllif: Zeynal Xəlil
Əsir qışın küləyi
Küçələrdə soyuq, qar,
Oynayırlar qar topu
Dəstə – dəstə uşaqlar.
Bağçalarda dəydikcə
Soyuq qışın sazağı,
Alma kimi qızarır
Körpələrin yanağı.
Böyük yolka qurulub
Meydançada bax yenə.
Nəğmə deyir uşaqlar
Gözəl qışa, Vətənə,
Yox, yox! Gəlin hələ siz
Bəzəklərə baxın bir,
Bu sayrışan işıqlar
Bir – birindən gözəldir!
Əlində böyük əsa,
Başında da qar papaq
Şaxta baba yenə də
Bizlərə gəlmiş qonaq,
Uşaqlarla o, yenə
Gözlərində məhəbbət
Bəzən də edir söhbət,
O, söyləyir: – Uşaqlar,
Oynayın qəşəng – qəşəng;
Sizin yeni iliniz
Görüm olsun mübarək!
Sevin dərsi, zəhməti,
Sadiq olun yoldaşa;
Sevin аnа Vətəni,
Ziynət verin hər daşa.
Daha gözəl olacaq
Xalqımızın həyatı!.
Axtarış sözləri:yolka şeiri,yeni il seiri usaqlar ucun,yeni il seiri,saxta baba seiri,yeni il şeirləri,yeni il seirleri,şaxta baba şeiri,
Oxşar şeirlər: